Sport
Tok Dana Cup med storm
Det er det same kva dei heiter og kor dei kjem frå. Når du spelar for Ølen G19, har du ei ibuande kraft om at du alltid kan vinna. I årets Dana Cup vart det seks strake sigrar, før ein gamal kjenning blei for tøff i kvartfinalen.
Dei siste timane har regnet kome som skote frå himmelen. Allereie vanskelege og blaute banar liknar meir og meir på vestlandske potetåkrar, etter ein særs fuktig fellesferie. Normalt ville ikkje gjengen med dei raude trøyene brydd seg. Dei ville i staden harva over både motstandar og bane. Men no er dei på stålet. Det intense cupspelet nord i Danmark har kome til fjerde dagen. Påkjenninga har vore stor, og for fire av spelarane er det slutt for denne gong. Sjølv Ølen-gjengen veit at då vert det vanskeleg å vinne ein kvartfinale i Dana Cup. Og når det i tillegg er den argaste konkurrenten gjennom alle år som er motstandaren, så stoppar det her. Vidar FK frå Stavanger vinn 2-0. Alle takkar fint for kampen, og småpratar med kvarandre som dei var gamle kameratar.
Låg til rette
Sjølv trenar og prosjektleiar» Nils Are Golf – som alltid fortel at målet er å gå heile vegen, er roleg og fatta.
