Populær samlingsplass for heile grenda
Samstundes som det tidlegare bedehuset på Utbjoa blei omgjort til grendahus starta eit større restaureringsprosjekt. Takka vera god innsats frå bygdefolket er huset blitt eit populært samlingspunkt.
Det vesle kvitmåla huset kloss i vegen på Utbjoa har sidan det blei bygd i 1938 vore Utbjoa sitt bedehus. Men dei siste åra har huset blitt stadig mindre brukt, samstundes som behovet for ei oppgradering både innvendig og ute melde seg. For eit par år sidan gjekk bygdefolket på Utbjoa saman om å døypa om bedehuset til grendahus, og arbeidet med oppussing kunne starta.
— Huset blei overført utan kostnad og me starta renoveringa med ein gong, seier Nils Terje Oma i styret for Utbjoa Grendahus.
Dugnad
