Gjer seg klar for storinnrykk
Over 60 dugnadsfolk har stått på heile veka for at det skal bli eit godt gjennomført noregsmeisterskap saueklipping i Etne i helga.
Fredag føremiddag skin sola på alle frivillige som har stilt på dugnad på Tongane i Etne for å stella i stand NM i saueklipping og ullhandtering. Lastebilar og traktorar er på plass for å frakta sauene, og dyra står klare for å bli førehandsklippa til konkurranse. Det er mykje som skal gjerast før konkurransen startar fredag kveld.
— Alle me har ringt og spurd om å stilla til dugnad har svara ja. Det er til og med folk som har spurd om å få vera med. Det er ikkje farleg å arrangera når det er slik, seier Arnfinn Hustoft som har ansvar for organiseringa av dugnaden til helgas arrangement.
Fem titlar bak seg
