Denne illustrasjonen viser korleis ein ser for seg tomta til fase 1 på Dommersnes når den er klargjort.ILLISTRASJON: HELGESEN TEKNISKE BYGG AS/WINDAFJORD PORT
Slepp å vente
Etter innspel frå kommuneadvokaten på Karmøy har Vindafjord kommune avvist eit krav om at Windafjord Port/Dommersnes AS må vente med å gå i gang med fase 1 av planane sine på Dommersnes industriområde i Vikebygd.
Dette kjem fram i eit vedtak frå Vindafjord kommune ved kommunalsjef Halfdan Krohn Brekke for samfunnsutvikling måndag.
Fase 1 er første steg i planane om utvikling av industriområdet på Dommersnes til potensiell serieproduksjon for havvindnæringa, og omhandlar tidlegare nytta område. Fase 2 legg opp til å ta enda meir areal i bruk, medan fase 3 vil krevje alle dei over 500 måla som er regulerte til industri, og at Vikevegen blir lagt om. For fase 2 og 3 er det starta ein prosess med ny reguleringsplan.
Vindafjord kommune og Westcon eig kvar sin halvdel av Windafjord Port.
