Brannøving i Ølen: — Sette kropp og sinn på prøve

Røykdykkarane fekk kjenna på korleis kroppen reagerer under høg belastning og varme forhold, i tillegg til å testa den mentale kapasiteten i pressa situasjonar

Øvde med kunstig røyk

Fredag føremiddag var det røyk og aktivitet rundt ein fråflytta bustad i Eiabakken, like ved Ølen brannstasjon. Morten Svandal, områdeleiar aust for Haugaland Brann og Redning, opplyser at det var ei planlagd brannøving med bruk av kunstig røyk. Slike øvingar er ein viktig del av det førebyggjande arbeidet for å sikra at brannvesenet er best mogleg rusta til å handtera utfordrande situasjonar.