Førebur seg på nedbør

I følgje Meteorologisk institutt er det venta svært mykje regn i Etne og Vindafjord torsdag. I Etne kommune er det meldt om jord-og flaumskredfare på raudt nivå og flaumfare på oransje nivå. Vindafjord ser ut til å sleppa unna med litt mindre regn, men også her er det venta rikeleg med nedbør.

I Etne kommune var avdelinga for drift-og vedlikehald onsdag ettermiddag ferdig med å reinska sandfangkummar langs vegar og kommunale område for vinteren, og nå held dei eit ekstra årvake blikk på vêrmeldingane i tilfelle det skulle bli ekstremt mykje nedbør.

— Me går og sjekkar sluk og grøfter, og me overvakar situasjonen, seier leiar drift og vedlikehald Kristin Hagland i Etne kommune.