Ekstremvêret Jakob
Har førebudd seg på vêret
Ordførar Mette Heidi Bergsvåg Ekrheim i Etne kommune observerte sjølv på veg til jobb i dag at det var meir vatn enn vanleg.
På veg til jobb køyrer ordføraren dagleg gjennom Rame i den sørlege enden av Stordalsvatnet før brua over til E134 ved Grønstad skule.
— Det er stader på vegen der det lett blir liggjande vatn, men til vanleg ikkje så mykje som no i grålysninga i morges, seier Mette Heidi Bergsvåg Ekrheim.
Annonse
Ho forsikrar elles at kommunen har førebudd seg godt gjennom å ha reinska grøfter og kummar.
— Me har brukt erfaringsgrunnlaget vårt frå tidlegare og håpar såleis at me har luka bort ein del potensielle problem, seier ho.
Kommunen har løpande overvaking gjennom heile dagen i dag.
Har du tips eller bilete om flaumen eller andre hendingar knytt til esktremvêret Jakob i Etne eller Vindafjord? Del gjerne ved å sende til tips@grannar.no.
