Kommunedirektør Filippo Ballarin (t.v.) og kommunalsjef Åsmund Andersen Sekse
Foto: Grethe Hopland Ravn
Kommunedirektør tar permisjon
Frå 1. januar 2025 og fram til midten av april skal kommunedirektør Filippo Ballarin ta ut pappapermisjon. Kommunalsjef Åsmund Andersen Sekse er føreslått som konstituert ny kommunedirektør
Etne kommune får ny midlertidig kommunedirektør frå 1. januar 2025, då kommunalsjef Åsmund Andersen Sekse tar over ansvaret medan Filippo Ballarin er i foreldrepermisjon. Dette er forslaget som ligg til grunn før tysdagens kommunestyremøte i Etne kommune.
Kommunalsjef trer inn
Ordførar sitt framlegg til vedtak er klart: Kommunalsjef for drift og utvikling, Åsmund Andersen Sekse, blir konstituert kommunedirektør frå 1. januar 2025 til og med 15. april 2025, i samband med Filippo Ballarin sin permisjon. Etne kommune sitt forhandlingsutval får mynde til å forhandla lønn for den konstituerte kommunedirektøren, i tråd med Hovudtariffavtalen.
