I fjor var det 177 personar som registrerte seg, og av desse stilte 53 i konkurranseklassen.
Sport
Sundag kan du gå på ein smell
Helgelandsfjellet opp i Tysvær er eigentleg ein fin tur. Om du ikkje har tenkt på ny pers, då…
– Dette er eit motbakkeløp som har plass til dei aktive, men også til mosjonistane som berre vil ha seg ein kjekk tur opp på dette svært så tilgjengelege fjellet på toppen av Frakkagjerd. I fjor var det 177 personar som registrerte seg, og av desse stilte 53 i konkurranseklassen. Me freistar med premiar også til turgåarane på startnummeret, lokkar Hans Tore Stensen i Stegaberg IL berre timar før det brakar laus på sundag.
Populære løp
Både han og løpskomiteen har ei god kjensle om dagen. Etter suksessen i Haugesund med Kringsjå opp, har motbakkeløp endeleg fått blest også på Haugalandet. For dei som satsar, er det nok av tider å strekke seg etter. Thomas Finshus småpene 8,04 i den 1,57 kilometer lange løypa er ikkje lett å slå. Ungjenta Tiril Opsøen var ikkje mykje dårlegare då ho klokka inn på 9,59 i fjor. Då var ho 12 år gamal.
