Utgiftene til folketrygda aukar med 44 milliardar kroner

Utgiftene til alderspensjon, arbeidsavklaringspengar, uføretrygd, sjukepengar og dagpengar aukar. Det fører til at utgiftene på statsbudsjettet til folketrygda blir rekna til 626 milliardar kroner neste år – som er ein auke på 44 milliardar kroner, opplyser regjeringa.

Arbeids- og inkluderingsminister Tonje Brenna (Ap) seier folketrygda er ein viktig del av velferdsstaten vår, men at vi er heilt avhengig av at mange nok jobbar og er med å finansiere dei offentlege tenestene og velferdsgoda våre.

Mellom anna aukar utgiftene til sjukepengar og arbeidsavklaringspengar med om lag 14 milliardar kroner, noko som bekymrar regjeringa.