Fotballglede i Etne

Jentefotballdagen, som først blei arrangert i 2016, har som mål å samle jenter frå Skånevik og Etne, uavhengig om dei går på fotball eller ikkje, til ein heil dag med fotball. Samarbeidslaget Ølen J15 blei også invitert.

— Det er for å ha det gøy. Me opnar opp for at det ikkje er naudsynt å gå på fotball for å vere med på jentefotballdagen. Alle er velkomne her, seier Elen Merethe Hetleflåt Ramsvik. Ho legg til:

— Det er for å prøve å halde dei lengst mogleg i fotballen. Gutane er gjerne litt lettare å behalde, medan jentene fell gjerne litt ifrå når dei kjem på ungdomsskulen.