56 nye ungdomar klare for å vere avløysarar
Femtenåringene Rasmus Sandvik og Samuel Afusoae frå Øvre Vats trur det er nyttig for dei å ta avløysarkurset til Haugaland Avløysarlag. — Å jobba som avløyser i unge år har vist seg å vera ein god referanse seinare i arbeidslivet, seier Anne Beth Jünger i Haugaland Avløysarlag SA
Laurdag var det andre helg med teori, og etter fem praktiske økter hjå bønder har 56 ungdomar mellom 14 og 16 år, fordelt på kurs i Ølen og Haugesund, papir på at dei er avløysarar.
— Det er bra å ha på CV-en, og med kurset forstår eg meir om kvifor me gjer som me gjer hos bonden, seier Samuel Afusoae (15) frå Øvre Vats.
Både dagleg leiar Anne Beth Jünger og styreleiar Eivind Lien i Haugaland Avløysarlag, deltok i kursinga laurdag i sanitetsforeninga sine lokale i Ølen. Det same gjorde styremedlem Liv Haukås.
