Jo Kåre Rekkedal (t.v.), Anders Halvorsen, Bjørnar Svendsbøe og Svein Åge Berge i Westcon Power & Automation, som har signert ein kontrakt verdt opp til 420 millionar kroner.
FOTO: WESTCON
Næringsliv
Ny stor Westcon-avtale
Avtalen er med Odfjell Drilling Ltd., Odfjell Technology Ltd. og Odfjell Oceanwind AS. Avtalen gjeld på tvers av alle Odfjell-selskapa. Dette opplyser Westcon Power & Automation (WPA) i ei pressemelding onsdag.
— Me er svært nøgde med at Odfjell-selskapa har vist oss denne tilliten, og me ser på det som ei stadfesting på at arbeidet og samarbeidet sidan 2019 har vore i tråd med forventningane, seier leiar Jo Kåre Rekkedal for inspeksjon og vedlikehald hos Westcon Power & Automation i pressemeldinga.
Med opsjonane inkluderte er den potensielle verdien av avtalen estimert til rundt 420 millionar kroner, ein av dei største avtalene WPA har signert.
