Etnecup fullteikna på få minutt

13.-15. juni i år står den 43. utgåva av Etnecup for tur. 154 aldersbestemte fotballag med til saman 2.000 spelarar og leiarar vil myldre på fotballbanene i Enge og kring Skakkesenteret. Med foreldre og andre som tilskodarar i tillegg reknar ein med at cupen samlar 3.000 menneskje i Etne-bygda den siste helga før mange tek sommarferie. Dermed ligg det an til meir enn ei dobling av innbyggartalet» i kommunesenteret, kor det er om lag 1.500 bufaste.

Håp for fleire

Sjølv om cupen er fullteikna, finst det enno håp for nokre av dei 58 laga som står på venteliste. Rekorden er 168 deltakande lag. Om ein kjem dit avheng i følgje leiar for Etnecup, Bjørnar Aastvedt, av at ein finn overnatting til fleire.