Sport
Med blinken i siktet
— Eg er nøgd med resultatet. Eg fekk 238 av 250 moglege, seier Thea Vorland (9) og kosar seg på skytebanen.
Ho har tatt turen frå Haugesund til skytebanen på Fikse for å delta på stemnet Fikse miniatyren saman med broren Brage (11), mor Lisa Marie Noven og besteforeldra Kirsten (76) og Einar (79) Vorland frå Bømlo. Den skyteglade familien stiller opp på det meste av konkurransar i distriktet og stemnet på Fikse er ikkje noko unntak.
— Eg starta på skyting igjen i haust etter rundt 12 års pause. Det er kjekt å reisa saman med familien og ha ein aktivitet i lag, seier ho.