Denne veka blir det meste av tilskota til matproduksjon utbetalt. Summen har auka med milliardbeløp og snittet er på ein halv million per bonde. Foto: Terje Bendiksby / NTB/ NPK
Denne veka blir det meste av tilskota til matproduksjon utbetalt. Summen har auka med milliardbeløp og snittet er på ein halv million per bonde. Foto: Terje Bendiksby / NTB/ NPK

Bøndene får milliardbeløp denne veka

Onsdag 12. februar skal etter planen storparten av tilskota som går til matproduksjon her i landet betalast ut. Summen har auka med milliardbeløp og snittet er på ein halv million per bonde.

NPK

Det stadfestar Landbruksdirektoratet overfor avisa Nationen.

I februar i fjor var summen som blei betalt ut på rundt 17 milliardar kroner basert på produksjonen i 2023.

Det var ein auke på over 6,6 milliardar kroner, rundt 64 prosent, på tre år.

Summen som blir utbetalt i år er førebels ikkje kjent, men det er venta at han vil auke med eit milliardbeløp.

I jordbruksoppgjeret i fjor blei det avtalt å auke tilskota til gjennomføring av jordbruksavtalen med litt over 2,2 milliardar kroner.

Støttebeløpet som av Norsk institutt for bioøkonomi blir definert som «sum direkte tilskot» auka frå 316.000 kroner i 2021 til 528.000 kroner i snitt per jordbruksbedrift i 2024.

(©NPK)