Henning Aarekol på kafé i Aksdal Senter tidleg ein måndag morgon. Han er på vegen med framsyninga Menn har også følelser» om blir å sjå i Tysværtunet.
Foto: Alf-Einar Kvalavåg/TYsvær Bygdeblad
Tysvær
Mange vil sjå og høyre vikedølen Henning
I 2015 var Henning Aarekol i Tysværtunet og snakka om at det var dumt å sitte inne når alt håp var ute. Vel, mykje har skjedd sidan då.
(TYSVÆR BYGDEBLAD): Det er tidleg ein måndag morgon i det Aarekol kjem inn døra til kafeen i senteret. Han smiler i kjent stil, og der andre stiller morgongretne til intervju så tidleg på dagen, er det slett ikkje nokon morgongruff å oppdage hos 46-åringen.
– Det å komme tilbake til Aksdal og Tysværtunet der det heile på eit vis starta, hadde eg lyst til. Då eg og mentor Rune Bjerga begynte på denne framsyninga, var det snakk om ei framsyning i Festiviteten og kanskje ei på Tysværtunet. Nå blei det ikkje slik, for etter at den første framsyninga i Haugesund var utseld etter eit par timar, blei det tre ekstraframsyningar der. 1.500 kjøpte billettar, og det er heilt gale, ler Aarekol.
Henning Aarekol gjennomførte showet Menn har også følelser» i Festiviteten til svært gode tilbakemeldingar.
