Det går an å meditere over fleire tema, meiner Kristin Marie Dahle. Blant anna er ho glad i bodskapen på bildet som heng på kontorveggen hennar.
FOTO: MALIN TVEDT/TYSVÆR BYGDEBLAD
— Eg treivst vanvitig godt i Vindafjord
Kristin Marie Dahle reflekterer over tida si som kommunalsjef for personal- og organisasjon i Vindafjord kommune, blant anna. I dag er ho HR-leiar i Tysvær kommune, ei tung og krevjande stilling. Likevel beskriv ho rolla som mamma og lagspelar som si viktigaste oppgåve.
Eigentleg er ho frå Karmøy, og som vaksen har ho sett seg rundt i landet – men slett ikkje på måfå. Med utdanning frå Universitetet i Bergen, ein mastergrad i statsvitskap og ein bachelor i arbeids- og organisasjonspsykologi var ho godt skodd til å ta fatt på yrkeslivet.
— Eg visste tidleg at det var dette yrket eg ville ha. For å seie det slik: Eg er vel arveleg belasta heimanfrå – kanskje til og med miljøskada.
Ho ler medan ho tenkjer tilbake.
