Fekk medalje for 30 års teneste

Medaljen, som blir delt ut av Det Kongelege Selskap, går til arbeidstakarar med minst 25 års lojal teneste i ein bedrift og som har vist særleg innsats. Medaljen er ei anerkjenning av Rullestad sin trufaste innsats for Dommersnes & Larsen AS gjennom tre tiår.

Han har vore med på heile utviklinga til Dommersnes & Larsen, frå eit lite firma med nokre få tilsette til dagens organisasjon med over 30 medarbeidarar. Han var blant dei som bygde lagerbygget på Dommersnes og har følgt selskapet gjennom vekst og endring. No er han anleggsleiar og ein respektert del av arbeidsmiljøet.

— Vidar er ein person som er godt likt, har god humor og står alltid på. Han er ikkje den som går heim først om det er noko som må gjerast, seier Martin Dommersnes som er dagleg leiar i Dommersnes & Larsen.