Tysdag denne veka var både prosjektleiar Kari Eika, kommunikasjonsrådgjevar Marianne Veggeberg og byggeleiar Terje Lunestad samla på Statnett sitt byggekontor på Knapphus. Arbeidet med den viktige straumforsyninga for Haugalandet i framtida, har nemleg tatt eit steg vidare og denne veka starta utbygginga av det som til slutt skal bli over 200 mastepunkt langs traséen mellom Blåfalli og Gismarvik. Mastepunktet i nærleiken av Nerheim næringspark er første spadestikk» i prosjektet som til saman har ei forventa byggetid på 3–4 år.
— Me startar ikkje arbeidet med å bygga ut mastepunkta frå den eine enden til den andre, for det er mange faktorar som skal takast omsyn til i heile prosessen. Derfor startar me i Ølen, og bygger mastepunkta etter kvart, seier Kari Eika.
Ei viktig forsterking
