Klart for nytt folkemøte om Dommersnes

Nyleg blei forslag til kommuneplan fram til 2036 og plan for Dommersnes industri- og hamneområde lagt ut på høyring.

På folkemøtet i Vikebygd bygdahus skal Windafjord Port og konsulentselskapet Norconsult fortelje om innhaldet i konsekvensutgreiinga. Kommunale representantar skal snakke om saksbehandlingsprosessen og kommunen sine vurderingar i samband med behandlinga av planforslaget. Til slutt blir det ein spørsmålsrunde. Det har vore svært godt oppmøte og sterkt engasjement på tidlegare folkemøte om prosjektet i Vikebygd.

I forkant av møtet arrangerer kommunen, Norconsult og Windafjord Port ein fire timar lang kontordag, der dei er tilgjengelege for éin-til-éin-møter for dei som ønskjer det.