Ann Margit Grønstad, Grannar sin nye redaktør frå 1. oktober 2025.
Foto: Johan Knudsen
Ny redaktør i Grannar
Ann Margit Grønstad (43) blir ny redaktør i Grannar. Ho har media- og litteraturutdanning, er opphavleg frå Etne og er i dag ansvarleg redaktør og dagleg leiar i Karmøynytt.
Grønstad har sin første dag i Grannar-redaksjonen 1. oktober. Dagens redaktør, Torstein Tysvær Nymoen, har sin siste arbeidsdag i Etne 31. mars. Då går han over til Haugaland Vekst kor han blir kommunikasjonsrådgjevar.
I perioden mellom Nymoen og Grønstad, blir journalist Grethe Hopland Ravn konstituert redaktør.
Ann Margit Grønstad er, som etternamnet kan røpa, opphavleg frå Etne. Ho bur i dag med barn og mann i Vormedal på fastlands-Karmøy.
