Full dugnad i Helgevoldhuset

Fredag føremiddag var dugnadsfolket på plass i Helgevoldhuset i Sandeid. Ein gjeng med smilande arbeidsfolk jobba på i det gamle huset som blei bygd i 1855, og som no skal nå få nytt liv.

— Nå skal huset rivast til skalet og setjast opp igjen, seier Ingvar Gjærde, leiar i Fokus Sandeid.

Torsdag, fredag og laurdag sist veke var sett av til dugnadsarbeid for å klargjere bygget før tømrarar, elektrikarar og røyrleggjarar kjem inn. Dei har nemleg planar om å ha huset klart så snart som mogleg.