Siri Alice Nonslid (H, f.v.), Therese Nesheim (H), Øystein Berge-Olsen (H), Guri Ravatn (SV), Øyvind Valen (Ap) og Anna Klette Steinsland (Vindafjordlista) diskuterte støtta til Fikse Næringsforening i eit gruppemøte.
FOTO: SVEIN-ERIK LARSEN
Vil ha svar om næringsstøtte
Kommunestyret i Vindafjord vedtok tysdag einstemmig å utsetje avgjerda om å gi eit samla tilskot på 217.056 kroner for 2024 og 2025 i medlemsavgift til Fikse Næringsforening. Dei vil ha klare svar på kva dei får igjen for pengane.
— Det grunnlaget som er no, det er for tynt, sa Mats Årvik (Frp).
Etter eit gruppemøte la han fram eit forslag om å utsetje saka. Han bad om at kommunedirektør Yngve Folven Bergesen skal svare ut spørsmåla som blei stilte i formannskapet sitt føre møte, og vise kva støtta frå kommunen går til, kva andre gir i støtte til Fikse Næringsforening, slik at dei får utgreidd saka betre.
Resten av kommunestyret var einige og stemte for Årvik sitt forslag.
