Fjordfrukost i særklasse

Det er tidleg føremiddag og kaien i Skånevik er i ferd med å fyllast med svoltne frukostgjester. Denne laurdagen skal reisefølget få nyta dagens første måltid om bord på turistbåten MS Langfoss, og straks alle gjestene er trygt plassert rundt bordene kan kapteinen blåsa i fløyta og setja kursen mot Halsnøy og Fjelberg.

— Me har gledd oss til denne turen. Me såg på oppslagstavla i Skånevik at det skulle vera båttur, seier Ellen og Ingolf Bøe frå Kopervik og gler seg til god mat og å få oppleva plassar dei aldri har vore før.

— Me har hytte i Skånevik, men dette er heilt nye plassar for oss, seier dei.