Folkefest då Ølen vann mot Etne

Med avspark så tidleg som 18.30 i Ølen, låg det til rette for at alle som ville, kunne få med seg den første av to naboduellar denne sesongen. Ofte er det avspark så seint som 20.00 i desse kampane, og då må dei minste i familien ligge under dyna, men denne gongen var det svært mange barn som fekk med seg den spennande kampen. Det var god stemning på den fullstappa tribuna, der det óg var komme ein god gjeng av dei som heldt med det grøne laget.

Kampen byrja noko prøvande, der begge lag var forsiktige med å blottleggja seg for angrep imot. Resultatet av dette var at det ikkje var så mange sjansar i den første omgangen, sjølv om begge lag var frampå.

Viktig førstemål