Planar om ny friluftsperle – sett på vent
Etter protestar frå enkelte har motparten til stiftinga valt å stoppa gjennomføringa av eigedomsbytet på Osnes. Styret i Olav Vik Stiftelsen ønskjer likevel å visa fram det som kunne blitt ein realitet, om bygda hadde hatt eit ønskje om dette.
Nestleiar i Olav Vik-stiftinga, Erlend Grinde Bergsvåg og styremedlem Rune Ramsvik, fortel at det heile starta med at det blei sendt ut eit nabovarsel om byte av nokre landbruks-teigar, og ei enkel forklaring om planar for oppgradering av badeplassen i Honsvikjo – og trudde ein ville få ei forståing for kvifor ein ønskte å gjera eit eigedomsbyte. Det gjorde ein ikkje.
— Me opplevde at det tok heilt av. Ein del protestar bygde seg opp veldig fort, og det blei brukt sterke ord, ein ordlyd me ikkje hadde forventa, seier Bergsvåg.
