Tok NM-gull

Under NM-veka i helga vart det arrangert noregsmeisterskap i ledklatring i SIS Klatrehall – Ullandhaug.

Anna Vivelid frå Bjoa og Sunniva Brun frå Etne stilte i konkurransen for Haugaland Klatrelag, i klassen U19F (ungdom jenter, fødde 2007/2008). Laurdag kvalifiserte dei seg til finalen.

I finalen søndag tok Vivelid sigeren heim, medan Sunniva kom på sjetteplass blant dei åtte NM-finalistane, etter å ha klatra seg opp to plassar i finalen. Vivelid leia etter laurdagen og enda på 34 poeng, seks poeng framfor Nora G. Gustad på andreplass. Kaja I. Moe-Evensen blei nummer tre.