— Eg likar å oppleve nye plassar og sjå noko eg ikkje har sett før

— Kva er din favoritthobby?

— Eg likar å ta stemningsfulle bilde av folk og fine augeblikk. Elles trivst eg godt med å strikke, trene og å vere ute.

— Kor reiser du helst på ferie?

— Eg likar å oppleve nye plassar og sjå noko eg ikkje har sett før, så eg har eigentleg ingen fast favoritt. Det viktigaste for meg er at det gir nye inntrykk, at eg får lære noko nytt, men også at eg kan slappe godt av og få mange fine opplevingar.

— Kva er det beste med bygda du bur i?

— Nærleiken til naturen.

— Kva saknar du i bygda di?

— Eit fotostudio. Men det ordnar seg snart – i august får eg nemleg oppfylt draumen om mitt eige fotostudio!

— Kva er ditt favorittmåltid?

— Eg likar det meste, men med åra har eg blitt spesielt glad i sjømat i alle slags variantar. Helst med ein god kvitvin til.

— Kva gler deg, og kva irriterer deg?

— Eg blir glad av gode samtalar, tid med nære venner og familien – barnebarna, sønene, svigerdøtrene, foreldra mine, storfamilien, og fine stunder ute i naturen. Eg blir også glad når eg har tatt bilde som både eg og kundane mine blir nøgde med. Kva som irriterer meg? Kverulering, og plagsame fluger.

— Dersom du hadde politisk makt, kva ville du kjempa for?

— Eg ville kjempa for at me som samfunn tar enda bedre vare på barna våre, med tidleg innsats i barnehage og skule for dei som treng litt ekstra. Eg meiner òg at dei eldre fortener gode opplevingar og ein meiningsfull alderdom. I tillegg skulle kreativitet, livsmeistring og nærleik til naturen fått større plass i kvardagen for både barn og vaksne.

— Kva gjer du når du skal unne deg noko ekstra?

— Då kan det fort bli eit nytt klesplagg, ein spennande fotoworkshop, nye fotorekvisita, ein god kaffikopp med mjølk, inntatt i morgonsola. Ein liten ferietur står vel òg på den lista.

— Kva er ditt beste barndomsminne?

— Tid ute. Å plukke markblomar, å klatre til topps i eit tre og sitte der å høyre på regnet, måltider ute på terrassen, å hoppe frå stein til stein i ein liten bekk, å stå på skøyter på ein frosen bø, å sitte ein heil gjeng på ein stor presenning og suse ned på snøen i Ola-bakken på Silla.

— Kven ser du mest opp til?

— Det må vera mannen min, Terje, som alltid passar på at alle andre har det bra.