Kinga Katrine Blaszkiewicz har hatt sommarjobb i Etne kommune med å revidere stadsanalysen for Skånevik sentrum.
FOTO: PRIVAT
Kinga kartla Skånevik
Gjennom sommarjobben i Etne kommune har masterstudent Kinga Katrine Blaszkiewicz (24) levert ein ny stadsanalyse for Skånevik. Arbeidet hennar skal no brukast som grunnlag for vidare reguleringsplanar.
Masterstudent i arkitektur, Kinga Katrine Blaszkiewicz, har hatt sommarjobb i seks veker i Etne kommune. Der har ho jobba med å oppdatere stadsanalysen for Skånevik sentrum frå 2012 – eit viktig verktøy i oppstarten av ny områdeplan. Ho tok sjølv kontakt med kommunen for å høyra om moglegheitene for jobb.
— Eg blei møtt med stor positivitet frå kommunen då eg tok kontakt. Eg tenkte det kunne vera gøy å sjå korleis dei jobbar med bygg og utvikling i kommunen, seier ho.
Dette førte til at stillinga blei lyst ut, slik at både ho og andre kunne søkja. Resultatet er eit oppdatert kunnskapsgrunnlag som no skal brukast vidare i utviklinga av Skånevik sentrum.
