Spente førsteklassingar på første skuledag

Det var ein spent gjeng med foreldre og førsteklassingar som stod klare på Skjold skule torsdag morgon. Trass i at heile 1. til 4. klasse var samla då rektor Nina Iren Husevåg ønskte velkomen, var det heilt stille i rommet. Spenninga stod i lufta då første klasse sat fint på første rad og følgde nøye med på rektoren, medan foreldra stod på sidelinja – både spente og stolte – med auga festa mot barna sine.

Rektor ønskte velkommen

— Nå, alle førsteklassingar, skal de læra å lesa, rekna og skriva. Men det viktigaste av alt er at de skal leika og ha det kjekt saman. Alle i klassen skal bli gode vener, og kanskje får du til og med nye vener, seier rektoren.