Eit lagbilete stappa fullt av optimisme for Aksdal Senter. Frå venstre: Tomas Lien, Anna Lien, Frode Yrke, Mariann Størksen, Tina Skorpetveit, Svein Kåre Edland og Elisabeth Brekke Førland.
Foto: Alf-Einar Kvalavåg/Tysvær Bygdeblad
Tysvær
Endeleg klarsignal for utbygginga av Aksdal Senter: — Dette er ein stor dag for oss
— No ser me berre framover, og i neste veke startar me utbygginga på om lag 500 kvadratmeter med nye lokale der me skal doble arealet til polet og få på plass serveringsstadene me har snakka så varmt om lenge. Dei siste avtalane med kommunen er på plass, me har kjøpt resten av arealet, og no er det klart for utbygging, seier Svein Kåre Edland.To utbyggingsprosjekt
Det har vore mange saker i avisene om denne utbygginga. Ofte optimistiske og med ei kjensle av at nesten alt har vore på plass.
— Det har vore slitsamt, men då er det ekstra kjekt å kunna informera om at alt er klart. For senteret er dette ein merkedag der me, som Svein Kåre seier, no kan sjå framover. Me har to utbyggingsprosjekt som er klare, men me startar med det som ligg mellom dagens Vinmonopol og inngangen til Meny. Så kjem det vidare mot sør rundt inngangen der, etter kvart. Me gler oss, og har store forventningar, seier senterleiar Elisabeth Brekke Førland.
