Energi
Store planar fascinerte
Haugalandet seglar opp som ein mogleg nøkkelregion i Noreg si satsing på havvind – blant anna gjennom hamneprosjekt i Vindafjord. Nyleg fekk Haugalandsrådet sjå korleis AF Gruppen ønskjer å utvikle miljøbasen sin i Vats.
— No rullar havvind, og me må sikre at me er med på eventyret, sa dagleg leiar Sigmund Lier i Haugaland Vekst under eit møte i Haugalandsrådet i Vindafjordhallen torsdag 23. oktober.
Havvind var eit sentralt tema då ordførarar og kommunedirektørar i Haugalandsrådet møttest i Vats. AF Gruppen presenterte planane sine for satsing på havvind i Vindafjord, før deltakarane fekk bli med på busstur til miljøbasen på Raunes.
Gjennom ein ny reguleringsplan vil AF sikre areal til produksjon og lagring av fundament til havvindturbinar, og til montering og mellomlagring av ferdige turbinar i Vats- og Yrkefjorden før utsleping til Nordsjøen.
