Kristian Gautesen(t.v.) leiar i Endra, Kjell Stokbakken, direktør for Varer & Forsyning i REMA 1000 og styreleiar i REMA Distribusjon, og Espen Nilsen, leiar for strategi og M&A i Endra.
FOTO: RENATE SÆVAREID
Første solkraftverk på deponi opna i Vindafjord
I strålande sol var det fredag markering for opninga av det nye solkraftverket på HIM sitt avfallsdeponi på Toraneset. Anlegget er det første i landet som er bygd oppå eit deponi.
— Området hadde berre stått brakk om det ikkje blei bygd solkraftverk her. Så då Endra tok kontakt med oss om å byggja solkraftverk, tenkte me at det var spennande og kjekt, seier Gro Staveland, administrerande direktør i HIM.
Avfallsdeponiet på Toraneset blei lukka sommaren 2023 og skal liggje urørt i 30 år. Det er strenge krav til kva eit lukka deponi kan brukast til, og HIM er plikta til å drifta og ta miljøprøvar av området i heile denne perioden. Det passa derfor godt at solcellepanel har omtrent same levetid – mellom 30 og 40 år.
