Klar med nye kriminelle kattehistoriar
For fire år sidan tok kunstnar og forfattar Jan Terje Rafdal frå Etne lesarane med på ei humoristisk og underhaldande reise inn i kattens univers. Nå er kan klar med oppfølgjaren.
Bok nummer to i serien Kattenes Kriminalprotokoll er fullspekka av humoristiske og underhaldande forteljingar om katter og deira kriminelle aktivitetar. Gjennom små anekdotar tek forfattaren lesaren med på ei reise i tid tilbake til 1600-talet, til ei fiktive katteverd der dei firbeina kattedyra begår dei mest nedrige handlingar og der kattejustisen blir utført med hard og stødig pote.
— Det handlar om kattar som finn på mykje rart. Det er ei humoristisk bok med småhistoriar og fiktive reportasjar der eg tullar med samtida. Det er lett å byggja sterke personlegdomar av kattar, seier forfattar Jan Terje Rafdal.
Boka består av 30 ulike kapittel. Her får ein mellom anna høyra om den hardtarbeidande bonden i Hagldal som var så uheldig å sprenga vekk altfor store fjellmassar då han skulle laga seg ein ny veg til setra. Den uheldige katten skulda på feil type sprengstoff, men blei likevel dømt til Two Uger paa Tugthuus.
