Julaftan i Frette og Fjæra med prosten på preikestolen

Det er ikkje tilfeldig at det er nettopp Frette og Fjæra som får besøk av prosten på sjølvaste julaftan. Arild Steinsland fortel at valet er hans eige, og at han har sett fram til akkurat desse gudstenestene.

— Eg har valt det heilt sjølv. Fjæra og Frette er flotte bygder begge to. Det er julebygder, og eg gler meg til å halda preik der, seier han.

For prosten er det viktig å vera til stades ute i bygdene, og han legg ikkje skjul på at Etne alltid gir han ei god kjensle.