Samlar viktige byggherrar

Samlinga har namnet Prosjektprat og påfyll og blir arrangert av Medvind24 Næringshage og Fikse Næringsforening.

Dagleg leiar Kari Aakra i Medvind24 fortel at næringshagen i fleire år har snakka om å lage ei eiga leverandørsamling, der dei inviterer inn byggherrar til å fortelje om prosjekta sine, og der leverandørar av alle storleikar og frå ulike bransjar er inviterte som publikum.

Målgruppa er handverkarbedrifter av alle slag og storleikar, byggfirma, entreprenørar, elektro, varme-, ventilasjons- og sanitærteknikk (VVS), vatn og avløp (VA) og ingeniør- og arkitekttenester – alle som kan vere aktuelle leverandørar til prosjekta som kjem. Aakra merkar seg at det skjer mykje i distriktet på prosjektfronten.