Vindafjord-ordførar Ole Johan Vierdal og Etne-ordførar Mette Heidi Bergsvåg Ekrheim.
Arkivfoto: Irene Mæland Haraldsen
Vegkonferanse: E134 på agendaen
Strekninga Røldal-Seljestad er å finna på Statens vegvesen si topp fire liste, men for strekninga Bakka-Solheim ser det ikkje fullt så lyst ut.
Vegkonferansen E134-E39 samla politikarer, næringsliv, vegfolk og veginteresserte til samling på Tysværtunet i Aksdal tysdag.
Her stod mellom anna status og framdrift i viktige vegprosjekt på agendaen. Ny veg på 8,7 kilometer Bakka-Mo pluss utbetring av Mo-Solheim står i gjennomføringsprogrammet til Statens vegvesen, men først står Røldal- Seljestad for tur. Den ligg inne på Statens vegvesen si toppliste saman med E134 Oslofjordforbindelsen og to andre prosjekt på E6 og E16. Når den 45 kilometer vegstrekninga på Seljestad-Røldal-Vågslid med rundt 30 kilometer tunnel står ferdig kan bilistane gle seg over å få både kortare reisetid og redusert høgdeforskjell på vegen. Målet for vegbygging er mellom anna å korta reisetida mellom aust og vest, i tillegg til å gje vegfarande tryggare veg å ferdast på.
— Verdien av veg er for å utvikla landet, sa administrerande direktør i Statens vegvesen, Ingrid Dahl Hovland, under Vegkonferansen på Tysværtunet i Aksdal, og minna om kor viktig det er med gode og sikre vegar over heile landet.
