Tongane i Etne er ein av stadane kor mange lokalt har arbeidsplass. ARKIVFOTO
ARKIVFOTOFOTO: Jon Edvardsen
Sender arealplanen tilbake til styringsgruppa
I eit ekstraordinært formannskapsmøte måndag morgon, bestemte eit fleirtal av formannskapet å senda kommuneplanen sin arealdel tilbake til styringsgruppa. Det betyr at planen ikkje skal ut på høyring heilt enno.
Arealdelen til den nye kommuneplanen i Etne skulle opp i eit ekstraordinært formannskapsmøte måndag morgon, etter at Kenneth Karlsen og Framstegspartiet i førre møte la fram eit tilleggsforslag vedrørande næringsareala på Tongane. Dei ønskte at kommunedirektøren skulle gjera ytterlegare skjerpande tiltak for regulering av næringsområdet, for å unngå nyetableringar eller industri som kunne føra til sjenerande lukt for naboar og omgjevnader i sentrum.
Ordførar Mette Heidi Bergsvåg Ekrheim (Sp) har tidlegare uttalt til Grannar at om Etne kommune skal ha strengare krav til utslepp enn forureiningslova har, må kommunen følgja opp dette politisk. Korleis kommunen skal gjera det var ordføraren usikker på. Så langt ordføraren kjenner til har det aldri før skjedd i kommunen at dei legg strengare krav enn lovverket krev.
Ber om juridiske vurderingar
