Vestland fylke har fått 53 søknadar om til saman 36,7 millionar kroner til kulturbygg. Hovudutval for kultur, idrett og inkludering hadde ein firedel av summen til rådvelde.
Tilskotet er del av spelemiddeloverskotet til Norsk Tipping frå 2022. Berre Oslo og Viken fekk meir enn Vestland fylkeskommune til tilskot til kulturbygg i år.
– Vi har fått meir pengar i år enn tidlegare, men er framleis langt unna behovet for tilskot til kulturbygg. Eg er redd for lite pengar kan svekkje både lokal frivillig innsats og kulturlivet, seier Stian Davies, leiar i hovudutval for kultur, idrett og inkludering.
Desse får spelemidlar til kulturbygg:
Alversund skule og Alverhallen (Alver): 750.000 kroner
Askvoll samfunnshus (Askvoll): 295.000 kroner
Follese kultursenter (Askøy): 600.000 kroner
Selbjørn skule og fleirbruksanlegg (Austevoll): 750.000 kroner
Fridtjof Sundts kjeglebane og musikkhall (Bjørnafjorden): 256.000 kroner
Eikelandsfjorden samfunnshus (Bjørnafjorden): 424.000 kroner
Dale ungdomsslag (Fjaler): 973.000 kroner
Høyanger samfunnshus (Høyanger): 750.000 kroner
Reksta ungdomslag (Kinn): 102.000 kroner
Stavøy grendelag (Kinn): 400.000 kroner
Folkets hus (Kvam): 320.000 kroner
Gjesthalla ungdomshus (Sunnfjord): 327.000 kroner
Vårvon ungdomslag (Sunnfjord): 384.000 kroner
Sentralbadet litteraturhus (Ullensvang): 600.000 kroner
Grendahuset Ljosheim (Vaksdal): 570.000 kroner
Sentralbadet scenekunsthus (Bergen): 2.000.000 kroner
(NPK)
