Ølen kyrkje.ARKIVFOTO
ARKIVFOTOFOTO: Nils Tokheim
Ap i Rogaland vil opne kyrkjebygg for ikkje-kristne seremoniar
Både Rogaland og Stavanger Arbeiderparti lovar veljarane grep for å opne kyrkjebygg for ikkje-kristne seremoniar.
NPK-NTB: Ap i Stavanger har programfesta at dei ønskjer opne kyrkjerom for ikkje-kristne arrangement og seremoniar som bryllaup og gravferd.
– Vi skal ikkje tvinge på ikkje-kristne seremoniar i kyrkja. Likevel: Dette kan vere vinn-vinn for alle partar, seier Dag Mossige, nummer to på Ap-lista i Stavanger til Vårt Land.
Han seier dei har fått innspel om at det ikkje er nok lokale for ikkje-kristne seremoniar.
– Kyrkjer er jo finansierte av det offentlege, men står mykje ubrukt. Så kvifor ikkje kunne bruke dei til seremoniar? Sjølvsagt må dette jo skje i dialog med Kyrkja, seier han.
(NPK)
