HI: Manglar kunnskap om korleis havvind påverkar fiskeria

Fiskarar har mange spørsmål om korleis havvind vil påverke fiskerinæringa. Forskar Anne Christine Utne Palm meiner at det ikkje finst nok kunnskap om temaet til at desse spørsmåla kan svarast på.

– Vi manglar kunnskap om kva effektar til dømes støy, elektromagnetisk stråling frå kablane og mindre vind eller endra straummønster vil ha å seie, seier forskar ved Havforskingsinstituttet Anne Christine Utne Palm på instituttet sine nettsider.

Av den forskinga som er gjort til no, er det tydeleg at havvindanlegg kan påverka økosystemet lokalt.

– Men vi veit ikkje kor stort det påverka området blir, og om dei effektane ein ser lokalt vidare kan føra til effektar på heile bestandar og større område. Kor stor utbygginga er, vil sjølvsagt spele inn.

(NPK)