Økologisk Norge fryktar at omgrepet regenerativt landbruk» kan bli brukt til grønvasking.
Foto: Canva.
Fryktar landbrukstrend kan bli brukt til grønvasking
Å verne om og stadig arbeide for betre jordhelse og biologisk mangfald står sentralt i det stadig meir populære omgrepet regenerativt landbruk». Men no er den ideelle organisasjonen Økologisk Norge redd omgrepet kan brukast til grønvasking.
Regenerativt landbruk» har opphavet sitt i den økologiske rørsla og er eit omgrep som famnar om prinsippa økologi, helse, rettferd og omsorg, skriv Økologisk Norge i ei pressemelding.
Organisasjonen er positive til at fleire i konvensjonelt jordbruk tek i bruk regenerativ praksis og meiner at dei på den måten forstår kor viktig jordhelse er.
Samtidig finst det ingen juridisk definisjon av regenerativt landbruk», og heller ikkje ein vitskapleg definisjon som ein einast om. Det opnar opp for at omgrepet kan misbrukast.
