Espen Nakstad forlèt Helsedirektoratet

Assisterande helsedirektør Espen Rostrup Nakstad sluttar i Helsedirektoratet. I sommar går han tilbake til Oslo universitetssjukehus.

Det skriv Dagens Medisin.

Helsedirektoratet vart etter nyttår slått saman med Direktoratet for e-helse og fekk fleire assisterande helsedirektørar. Nakstads kontrakt går ut 31. juli i sommar, og han forlèt då direktoratet.

Han vil deretter gå tilbake i jobben som leiar av den nasjonale behandlingstenesta for CBRNE-medisin ved akuttmedisinsk avdeling, Oslo universitetssjukehus.

Nakstad vart i 2020 kåra til Årets namn av både Dagbladet og VG i samband med koronapandemien. Han vart også kåra til Osloborgar av Aftenposten i år.