Fleire enn før er bekymra for tap av natur

Ei Ipsos-undersøking frå 2023 viser at annankvar nordmann meiner det blir tillate for mykje utbygging i naturen i Noreg. I 2021 låg talet på 41 prosent.

For å avgrense nedbygginga meiner mange at kommunar med bynær natur bør innføre eigne markagrenser, viser ei anna undersøking frå Ipsos.

– Heile 72 prosent seier at dei meiner alle kommunar med by- og tettstadsnær natur bør innføre varige utbyggingsgrenser tilsvarande markagrensa i Oslo, for å sikre folk tilgjengeleg natur, fortel Bente Lier, generalsekretær i Norsk Friluftsliv.