Håkon Haugli la fram eit nytt skaleringsprogram for landbruksbedrifter med vekstpotensial under ein næringslivsdelegasjon til Berlin og Internationale Grüne Woche.
Foto: Vidar Alfarnes
Hjelp til kompetanseheving i lokalmatbedrifter
Norske lokalmat-bedrifter skal få hjelp til å nå vekstmåla sine gjennom eit nytt kompetansetilbod frå Innovasjon Noreg.
Tilbodet vil vere for lokalmatbedrifter med fem millionar kroner i omsetnad, og som har ambisjonar om 50 prosent vekst innan tre år. Programmet passar for bedrifter med både nasjonale og internasjonale vekstambisjonar, opplyser Innovasjon Noreg.
– Vekstfasen er krevjande, og vi veit at bedrifter som får tilført kompetanse saman med finansiering, har betre føresetnader for å lykkast, fortel administrerande direktør i Innovasjon Noreg, Håkon Haugli i ei pressemelding.
Planen er å pilotere programmet med åtte bedrifter, allereie no i 2024.
