Ber om ekstraordinært formannskapsmøte

Kenneth Karlsen skriv i ein e-post til ordføraren at i kjølvatnet av den alvorlege saka som kom fram i torsdagens Grannar, ser han det som nødvendig å kalla inn til eit ekstraordinært formannskapsmøte. Han legg til at det tydelegvis er svært ulik situasjonsforståing mellom eininga og leiinga i kommunen, og som folkevalt meiner han dei no treng å få tilstrekkeleg innsikt i situasjonen.

Karlsen har fleire gonger over tid bedt om informasjon, og lagt fram ønske om ein investeringsplan for å innfri forventningane i brannordninga, og han seier det ikkje er ideelt at folkevalde får presentert situasjonen i EBR gjennom lokalavisa.

— Eg tillét meg å reflektera over at dette kunne vore unngått om formannskapet og kommunestyret hadde fått nødvendig orientering frå brannsjefen, noko me har etterlyst i nærare eitt år, uttalar han i e-posten.