Lågare kraftpris i heile Noreg førre veke

Kraftprisane gjekk ned i alle dei norske prisområda førre veke. I helga var prisen heilt nede i minus 12 øre per kilowattime på Austlandet og Sørlandet.

På Austlandet, Sørlandet og Vestlandet var det store prisvariasjonar, og på det høgaste var prisen på 134 øre/kWh, viser kraftsituasjonsrapporten til Noregs vassdrags- og energidirektorat.

Ulik ressurssituasjon og mindre moglegheit for import frå Aust- og Sørlandet gjorde at Vestlandet ikkje fekk like låge prisar i helga.