Eit av Noregs største oppdrettsselskap, Lerøy, driv lakseoppdrett på Hitra kor 14.000 laks no har rømt. Laksen var før den rømte smitta med alvorlege nyresjukdommar.
Illustrasjonsfoto: Gorm Kallestad / NTB/ NPK
14.000 oppdrettslaks har rømt frå anlegg med alvorleg smitte
Lakseoppdrettsselskapet Lerøy melder at 14.000 laks har rømt frå anlegget deira i Hitra kommune. Fisken i anlegget var smitta av to alvorlege sjukdommar.
Bakteriell nyresjuke (BKD) og nyresjukdommen PD var påvist på laks i anlegget før rømminga skjedde, stadfestar dagleg leiar Harald Larssen i Lerøy Midt til Dagbladets Børsen.
På grunn av smitten var anlegget på Reitholmen i Hitra bandlagt av Mattilsynet.
Lerøy reknar med at rømmingsomfanget er i underkant av 14.000 laksar på godt og vel 7,3 kilo.
