Færre fristar må brytast, krev helseministeren

Helse- og omsorgsminister Jan Christian Vestre (Ap) vil gi sjukehusa i oppdrag å få ned talet på fristbrot som eit ledd i arbeidet med å få ned ventetidene.

Helseministeren definerer si viktigaste oppgåve som å få ned ventetidene i sjukehusa. Derfor skal han i revidert oppdragsdokument be helseregionane og Helfo om mellom anna å bryte færre fristar.

– Alle pasientar som er vurderte til at dei treng sjukehusbehandling, skal vere trygge på at dei får forsvarlege tenester innan forsvarleg tid, seier Vestre i ei pressemelding.